ტექნოლოგიების განვითარებასთან ერთად, დისტანციური სამუშაო გარემო დღითიდღე უფრო ტრენდული და მიმზიდველი ხდება სხვადასხვა ბიზნეს სექტორში მოღვაწე კომპანიებისთვის და მათ მიერ დასაქმებული პერსონალისთვის. სტარტაპებისთვის და იმ კომპანიებისთვის, რომლებიც მართვის თანამედროვე მიდგომებს იყენებენ, დისტანციური მუშაობა სიახლეს აღარ წარმოადგენს. თუმცა, შედარებით სკეპტიკურია ამ საკითხზე ტრადიციული ორგანიზაციების დამოკიდებულება. მიუხედავად ყველაფრისა, საგულისხმოა, რომ დისტანციური მუშაობის პირობებში, პროცესების წარმატებით წარმართვა მნიშვნელოვნად არის დამოკიდებული კომუნიკაციის მაღალ ხარისხზე და იმ სისტემების გამართულობაზე, რომელსაც ორგანიზაცია შიდა თუ გარე კომუნიკაციისთვის იყენებს. 

ახალი კორონავირუსის (COVID-19) გავრცელებით შექმნილი ვითარებიდან და მსოფლიო ტენდენციებიდან გამომდინარე, ბიზნესის დისტანციური მართვა და მაიკროსოფტ თიმსი, როგორც დამხმარე პლატფორმა, კიდევ უფრო აქტუალური და სასიცოცხლოდ მნიშვნელოვანიც კი გახდა.